تسمح لي أخوي انصحك من أخ لأخيه نصيحة لك في اللعبة وفي حياتك
والله اخي انك لو تتعمق فيها تلقاها تكفل لك السعادة والراحة النفسية طوال حياتك ، ولو جالك الموت في يوم ، تلقاك مبتسم منشرح ، ما يهمك وش اللي مخبا لك ، لأنك في الأولى والأخيرة مشيت طريق مابه أي خلل.
أخوي ، سواء في اللعبة ، أو في الحياة ، أو في مباراة كرة قدم ، أو في أي موقف ، ..
أعط للأمور وزنها ، ..
في لعبة ترافيان ، فيه انتاج كشافين للتجسس على القرى ، هذا من ضمن أصول اللعبة ، وما أحد يلومك على التجسس على قرية ما فيه بينك وبين صاحبها أي عهود أو مواثيق أو حتى صداقة تتسجل عليك خلل لو خنتها لا سمح الله.
لكن ما وراء اللعبة ، فيه تحالفات ، معناها ، الكل يتعهد انه يعمل مع بعض ويساعد بعض باللي كل لاعب يقدر عليه ، وبالشي اللي يخلي نفسه بينيه وبين ضميره مرتاح أنه سوا اللي يقدر عليه .. وما يحس انه قصر في موقف يحتاج شجاعة أو مساندة.
لكن ، أني اكون انا في تحالف ، وأروح كل شوية اغير لمكان ثاني ، يمكن في اول ايام اللعبة تكون شي عادي لان الناس ما عرفوا بعض ولا صار بينهم أيام وزمن متكاتفين في تحالف واحد ، وأخلاقيا ، طالما مر عليك زمن مع ناس انت وهم في فريق واحد ، أكبر خطأ أخلاقي ان الواحد ينتقل من هنا لهنا ، بكل أنانية ويدور مصالحه الخاصة ، ... أنا من ناحيتي أعتبرها عيب كبير.
من ناحية التحالفات المنافسة ، أخوي ، لا شك ماهو غلط يكون لك أصدقاء حتى من التحالفات المنافسة ، وتتعرف عليهم وتقدرهم ويقدرونك ، ولكن لما يصير وقت الجد ، وتصير حالة حرب ، تقول لهم بكل احترام : تراها لعبة ، لا تزعل مني لو هاجمتك ، ومع هذا لا تهاجمه أبدا ، قدامك لاعبين ثانيين من تحالفه تهاجمهم بكيفك وبكل قوة ، .. خل صديقك من التحالف المنافس هو اللي يكون المهاجم عليك ، لا تفسد عقد الصداقة معه ،
إلا في حالة لو جالك امر من التحالف والقيادة تهاجمه هو ، وقتها :
انا لو كنت في هذا الموقف ، أسلم قريتي للتحالف وأطلع من اللعبة ، وأقول لصديقي ، تركت القرية وسلمتها للتحالف بالإيميل على شان لا تتسجل علي اني هاجمتك ، التحالف امرني اهاجمك وانا صراحة لا يمكن اهاجمك ، صحيح حنا متنافسين وتحالفاتنا بينها حرب .. لكن انت ،، ابد ما اهاجمك
والأفضل لك وقتها ، تروح تسجل بيوز ومستخدم جديد ، وتبدأ صفحة جديدة لك ، وما احد ابدا يلومك.
في حالة وجود اعداء ظاهرين من تحالفات منافسة ، إياك أبدا انك تستخدم طريقة قرية لي هنا وقرية لي هناك
تقدر تفتح لك عشرين قرية ما احد يلومك ، لكن اخوي لا تخل لك عشرين وجه أبدا
تدري ، صحيح هي لعبة
لكن اللي يقبل لنفسه الخداع وتعدد الوجوه حتى في اللعبة ، تكون طباعه في حياته مهي مختلفة كثير عن طباعه في اللعبة
بارك الله فيك
وسامحني لو طولت في النصيحة والرأي
يمكن كلامي ما يناسب قناعاتك
لكن حبيت اقول لك اللي احس فيه من ناحية اللعبة
والسلام
الأحد يونيو 13, 2010 2:18 am
